சத்து நிறைந்த கம்பு - கேப்பங்கஞ்சி

பதிவு: ஜூலை 19, 2020 1:30 55 Views
Editor: 0

கம்பு, கேழ்வரகை சர்க்கரை நோயாளிகள் அடிக்கடி உணவில் சேர்த்து கொள்வது நல்லது. அந்த வகையில் இவை இரண்டையும் சேர்த்து கஞ்சி செய்வது எப்படி என்று பார்க்கலாம்..

                          கம்பு - கேப்பங்கஞ்சி

தேவையான பொருட்கள் :

கேழ்வரகு மாவு - ஒரு கப்

கம்பு மாவு - அரை கப்
அரிசி நொய் - அரை கப்
நறுக்கிய சின்ன வெங்காயம் - ஒரு கப்
கடைந்த தயிர் - அரை கப்

உப்பு - தேவைக்கேற்ப.

 

கம்பு, கேழ்வரகு


செய்முறை:

கேழ்வரகு மாவில் 3 கப் தண்ணீர் விட்டு முதல் நாளே கரைத்து புளிக்கவிடவும்.

மறுநாள் கம்பு மாவை ஒரு கப் நீர் விட்டு உடனடியாக கரைத்துக்கொள்ளவும்.

அரை கப் அரிசி நொய்யில் ஒரு கப் நீர் விட்டு வேகவிடவும்.

வெந்ததும் புளிக்க வைத்த கேழ்வரகு மாவு, கரைத்த கம்பு மாவு உப்பு சேர்த்து கட்டித் தட்டாதவாறு கைவிடாமல் கிளறவும்.
 

வெந்ததும் இறக்கி கடைந்த தயிர் நறுக்கிய சின்ன வெங்காயம் சேர்த்துப் பரிமாறவும்.

கிச்சன் கில்லாடிகள்
மேலும் கிச்சன் கில்லாடிகள்
ஆசிரியரின் தேர்வுகள்