Editor: 0
வாணியம்பாடி அருகே கல்லறை திருநாள் வழிபாடு.
வாணியம்பாடி, நவ.2 - திருப்பத்தூர் மாவட்டம் வாணியம்பாடி அடுத்த உதயேந்திரம் தூயநெஞ்ச ஆண்டவர் ஆலயம் கல்லறை தோட்டத்தில் அனைத்து ஆன்மாக்களின் நாளான கல்லறை திருநாளையொட்டி கிறிஸ்துவர்கள் சிறப்பு வழிபாடு செய்தனர்.
கல்லறை தோட்டத்தில் உள்ள இறந்த தங்களது உறவினர்களின் கல்லறைகளை சுத்தம் செய்து கல்லறைகளுக்கு புதிய வண்ணங்கள் தீட்டினர். மாலையில் பங்குதந்தை அந்தோணிமாறன் தலைமையில் சிறப்பு வழிப்பாடு நடைபெற்றது.
அவ்வழிப்பாட்டில் இறந்து போன தங்களது பெற்றோர், உறவினர்கள் மற்றும் நண்பர்களின் ஆன்மா சாந்தியடைய வேண்டிக் கொண்டனர். மேலும் இறந்தோர்களின் கல்லறைகளில் மெழுகுவர்த்தி ஏற்றியும், பூக்களால் அலங்காரம் செய்திருந்தனர்.
இதே போன்று வாணியம்பாடி கோணாமேடு சகாயமாதா ஆலயம் கல்லறை தோட்டத்தில் கிறிஸ்துவர்கள் கல்லறை திருநாள் வழிபாடு செய்தனர்.
