மற்றவர்களுக்கு நிகராக உங்களுக்கு ஊதியம் வழங்கப்படுகிறதா என்பதை உறுதிப்படுத்திக் கொள்ள டிப்ஸ்!
ஒரு அறிக்கையின்படி, உலகில் எந்த நாட்டிலும் ஊதியத்தைப் பொறுத்தவரை பாலின இடைவெளியைக் கடைபிடிப்பதில்லை. ஆனால் இந்தியாவில், 2017 ஆம் ஆண்டிற்கான பாலினம் குறித்த ஊதிய அட்டவணை (எம்.எஸ்.ஐ)யில் இந்தியாவில் பெண்களின் ஊதியமானது ஆண்களை விட 20% குறைவாகவே இருக்கிறது என்பதை வெளிப்படுத்தியது. இந்த இடைவெளியானது 2016ல் 24.8% ஆக இருந்ததிலிருந்து சுமார் 5% குறைந்துள்ளது. இருந்தாலும் இந்த பாலின ஊதிய இடைவெளியானது அனுபவத்தைப் பொறுத்து மாற்றம் அடைகிறது மேலும் 11 ஆண்டுகள் மற்றும் அதற்கு மேற்பட்ட ஆண்டு அனுபவமுள்ள திறமையானவர்களுக்கு 25% ஆக உள்ளது. இந்திய பணியிடங்களில் 69% பெண்களுக்கான பாலின சமத்துவ ஒதுக்கீடாக வரும் போது "சொல்வதைக் கேட்டு நடக்க வேண்டும்" என்று நிர்வாகத்தினர் எண்ணுகிறார்கள்.

எல்லாவற்றிலும் நியாயம் இல்லையென்று கருதுவதற்குப் பதிலாக, அல்லது நிறுவனங்கள் நேரங்களை எடுத்துக் கொள்ளும் வரை காத்திருப்பதற்குப் பதிலாக, இங்கே நீங்கள் செய்ய வேண்டிய ஐந்து விஷயங்கள் உள்ளன:

ஆண்கள் ஆதிக்கம் செலுத்தும் தொழிலைத் தேர்ந்தெடுங்கள்

தொழிலைத் தேர்வு செய்வது என்பது உங்களுடைய ஊதியத்தில் நீண்டகால தாக்கங்களை ஏற்படுத்தக்கூடும். பெண்கள் காலங்காலமாக செய்யக்கூடிய தொழிலைத் தேர்ந்தேடுத்தால் நீங்கள் குறைந்த அளவிலான ஊதியம் பெறுவதற்கான வாய்ப்புகள் உள்ளன. பொருளாதாரம் மற்றும் சமூக ஆய்வு நிறுவனத்தின் இணை ஆய்வு பேராசிரியர் ஹெலன் ரஸ்ஸல் கூறுவதாவது “பெண் வகை தொழில்களில் குறைந்த ஊதியம் மற்றும் குறைந்த மரியாதையைக் கொண்டிருப்பதாக சர்வதேச ஆய்வு காட்டுகிறது (ஆண்கள் ஆதிக்கம் செலுத்தும் தொழில்களைக் காட்டிலும்). அவர்களின் உறுதியான கருத்தாவது பெண்கள் வகை தொழிலான பராமரிப்பு தொடர்பான பணிகள் இயல்பாகவே தனது மதிப்பை இழந்துவிட்டன. "

இங்கு பல ஆண்டுகளாக கற்பித்தல் தொழில் மற்றும் நர்சிங் தொழில்கள் பெண்கள் ஆதிக்கம் செலுத்தும் தொழில்களாக மாறியுள்ளன. அதே நேரத்தில் பொறியியல் மற்றும் மென்பொருள் மேம்பாடு தொழில்களானது ஆண்கள் ஆதிக்கம் செலுத்தும் தொழில்களான உள்ளன. அதனால் பெண்கள் மென்பொருள் துறையைத் தேர்ந்தெடுப்பதன் மூலம் ஒருவர் மழலையர் பள்ளியில் கற்பிப்பதற்குப் பெறும் ஊதியத்தை விட அதிக ஊதியத்தில் தொடங்குவது உறுதி. ஹார்வர்ட் தொழிலாளர் பொருளாதார நிபுணர் கிளாடியா கோல்டின், இத்தகைய மென்பொருள் தொழில்களில் கல்லூரி பட்டதாரிகள் தேர்ந்தேடுக்கும் போது சராசரியாக 30-35% ஊதிய இடைவெளியைக் குறைக்க முடியும் என்று கண்டறிந்துள்ளனர்.

தொடக்கத்திலேயே கேட்டுப் பெறுங்கள்

கார்னகி மெலன் பல்கலைக்கழகத்தின் ஒரு ஆய்வின்படி பெண்கள் 7% மட்டுமே தங்களுடைய முதல் ஊதியத்தைப் பேச்சுவார்த்தையின் மூலம் கேட்டுப் பெறுகிறார்கள். சிறந்த ஊதியத்திற்காக வாதாடி பெறும் 57% ஆண்களுடன் ஒப்பிட்டுப் பார்க்கும் போது பெண்கள் ஏன் தங்களுடைய பணிக்குக் குறைந்த ஊதியத்தில் பணிபுரிய ஒத்துக் கொள்கிறார்கள் என்பது புரியவில்லை. மேலும் ஊதிய உயர்வு பெறுவதிலும் குறைந்த அளவே உள்ளனர். பணியிடத்தில் அதிகமாக முன்னேறுவதற்கு எப்போதும் நீங்கள் தயாராக இருக்க வேண்டும். பெண்கள் அங்கு தங்களுடைய கைகளை உயர்த்தாவிட்டால் ஆண்கள் செய்யும் ஆதிக்கத்திலிருந்து தங்களுக்கான வாய்ப்புகள் கிடைப்பது கடினமாகிவிடும். ஏனென்றால் ஆண்கள் தங்களுடைய கைகளை நன்கு உயர்த்தி வைத்திருக்கிறார்கள், ”என்று மிக்கா ப்ரெஜின்ஸ்கி எனும் புத்தகத்தில், பேஸ்புக்கின் சி.ஓ.ஓ ஷெரில் சாண்ட்பெர்க் என்பவர் கூறுகிறார்.

தொடக்கத்திலியே உங்களுடைய ஊதியத்தைப் பேசி அதிகரிக்க தவறுவது பிழையாகிறது. ஏனென்றால் அந்த ஊதியத்தைப் பொறுத்தே அடுத்தடுத்த ஆண்டுகளில் ஊதிய உயர்வானது கணக்கிடப்படுகிறது. எனவே நீங்கள் உங்களுடைய மதிப்பை உணர்ந்து உங்களுடைய திறமையை ஆய்வு செய்து அதற்கு ஏற்றாற்போல் ஊதியத்தைப் பெறுவதற்கு முயற்சி செய்யுங்கள்.

புத்திசாலித்தனமாக வாதிட்டு பெறுவதை ஒரு மையமாக வைத்திருக்கவும்

உயர்மட்ட தலைமை ஆலோசகர் செலினா ரெஸ்வானி கூறுவதாவது பேச்சு வார்த்தை நடத்தாமல் பதவி உயர்வுக்கான வாய்ப்புகள், பல பணிகள் மற்றும் அதிக ஊதியத்தைப் பெண்கள் எவ்வாறு இழக்கிறார்கள் என்பதைப் பற்றி விவாதித்திருக்கிறார். ஆண்கள் பெண்களை விட நான்கு மடங்கு அதிகமாக பேச்சு வார்த்தையை நடத்துவது மட்டுமல்லாமல், அவர்கள் அதற்கான அதிக இலக்குகளையும் நிர்ணயிக்கிறார்கள், எனவே நீண்ட காலத்திற்கு அவர்கள் பயனடைகிறார்கள் என்று அவர் கூறுகிறார். எனவே பெண்கள் பேச்சுவார்த்தை நடத்தி சமமாக ஊதியத்தைப் பெற முயற்சி செய்யும் போது பெண்களின் ஊதியமானது ஆண்கள் பெறும் அதிக ஊதியத்திலிருந்து பாதியாக குறைப்பதாக அமைகிறது" என்று அவர் கூறுகிறார். பெண்கள் ஆக்ரோஷமாக பேச்சு வார்த்தை நடத்தி அதிக ஊதியம் பெறுவது கடினம் என்பது உண்மை தான். அவ்வாறு அவர்கள் நடந்துக் கொள்ளும் போது பெரும்பாலும் அது அவர்களுக்கு எதிராக மாறிவிடும். எனவே அவர்களுக்கு ஒத்துழைப்பது போன்று “நாம்” மற்றும் “நாங்கள்” போன்ற சொற்களைப் பயன்படுத்தும் போது, நிறுவனத்தின் முன்னோக்கை எடுக்கவும் பெரும்பாலும் தங்களுடைய ஊதிய உயர்வைப் பெறுவதற்கும் அவை மிகவும் பயனுள்ளதாக இருக்கும்.

பதவி உயர்வுகளுக்கு ஒரு உந்துதல்

ஆரம்பகாலத்திலேயே பணியில் உயர்வு பெறுவது பெண்களை வளர்ச்சிப் பாதையில் கொண்டு செல்ல முடியும், ஆனால் பணிக்கு நுழையும் சமயத்தில் பெண்கள் ஆண்களை விட ஐந்து ஆண்டுகளுக்கும் மேலாக ஒரே நிலையில் பணிபுரியக்கூடிய வாய்ப்புள்ளது. ஊதியம், சலுகை மற்றும் இழப்பீட்டுத் தகவல்களைப் பற்றிய தகவல்களை வழங்கும் வலைத்தளமான PayScale, பெண்களின் ஊதிய வளர்ச்சியானது “30 வயதில் ஆண்களை விட அதிகமாக வளர்வதை நிறுத்துகிறது, இது கல்லூரி படித்த பெண்கள் பொதுவாக திருமணம் முடிந்து குழந்தைகளைப் பெறத் தொடங்கும் காலமாய் இருக்கிறது” என்று கூறுகிறது.

எனவே பெண்கள் தங்கள் குடும்பத்தைத் தொடங்குவதற்கு முன்பு கார்ப்பரேட் பணிக்கு முயற்சித்து சேர்ந்துவிடுவது அர்த்தமுள்ளதாக இருக்கிறது. பேச்சாளர், பயிற்சியாளர் மற்றும் தொழில் ஆலோசகர் எமிலி ஏரீஸ் கூறுகையில் உங்களுக்கு பதவி உயர்வு கிடைத்தால் நிறுவனத்தின் எதிர்காலம் என்னவாக இருக்கும் என்பதற்கான தெளிவான படத்தைக் கட்டமைப்பதற்கு அறிவுறுத்துகிறார். உங்களுக்கு பதவி உயர்வு கிடைத்தால் எவ்வாறு அனைவருக்கும் சிறப்பாக இருக்கும்? இன்னும் தீவிரமாக சிறப்பாக செயல்பட்டு சிறந்து விளங்குவீர்கள் என்ற கூற்றை உருவாக்குங்கள் என்று அவர் தனது கட்டுரையில் விளக்குகிறார். உங்களுடைய திறனைப் பற்றிய கருத்துகளை உங்களுடைய மேற்பார்வையரிடம் கேட்டு அறிந்துக் கொள்ளுங்கள்.

ஆண்களுக்கு சற்றும் குறைந்தவர்கள் இல்லை பெண்கள். செய்யும் வேலை ஒன்றாயின், பிறகு ஊதியம் மட்டும் ஏன் ஏற்றத்தாழ்வுடன் இருக்க வேண்டும்?