Editor: 0
நடிகை நிக்கி கல்ராணி பற்றி ஒரு தகவல் பரபரப்பாக தென்னிந்திய சினிமா வட்டாரத்தில் பேசப்பட்டு வருகிறது...
ஜி.வி.பிரகாஷ் ஹீரோவாக நடித்த டார்லிங் படத்தின் மூலமாக ஹீரோயினாக தமிழ் சினிமாவில் அறிமுகமானவர் நிக்கி கல்ராணி. அந்த படம் நல்ல வரவேற்பை பெற்ற நிலையில் நிக்கி கல்ராணிக்கு தமிழ் ரசிகர்கள் மத்தியில் நல்ல புகழ் கிடைத்தது. அதற்கு பிறகு அவர் தமிழ் சினிமாவில் தொடர்ந்து பல படங்களில் ஹீரோயினாக நடித்து வருகிறார். வேலைன்னு வந்துட்டா வெள்ளைக்காரன், மொட்ட சிவா கெட்ட சிவா, கலகலப்பு 2, ஹர ஹர மஹாதேவகி என அவர் தொடர்ந்து படங்கள் நடிப்பதால் தமிழ் சினிமாவில் பிஸியான நடிகைகளில் ஒருவராக கடந்த சில வருடங்களாக இருந்து வருகிறார்.
மேலும் மரகத நாணயம் என்ற படத்தில் அவர் ஆதி உடன் நடித்து இருந்தார். இந்த படம் ஹிட் ஆனது. இந்நிலையில் தற்போது நிக்கி கல்ராணி மற்றும் ஆதி இடையே காதல் இருப்பதாக கிசுகிசு தற்போது தென்னிந்திய சினிமாத் துறையில் உலா வருகிறது.
கடந்த சில தினங்களுக்கு முன்பு ஆதியின் அப்பா இயக்குனர் ரவி ராஜா அவர்களின் பிறந்தநாள் கொண்டாட்டம் நடந்தது. அந்த விழாவில் நடிகை நிக்கி கல்ரானி கலந்து கொண்டுள்ளார். அதன் புகைப்படங்கள் இணையத்தில் வெளியாகி வைரல் ஆன நிலையில் தான், நிக்கி கல்ராணி மற்றும் ஆதி இருவரும் டேட்டிங் செய்து வருகின்றனர் என தகவல் பரவி வருகிறது. கடந்த இரு தினங்களாக தென்னிந்திய சினிமா வட்டாரத்தில் பரபரப்பான செய்தி இது தான். ஆனால் அவர்கள் இருவரும் இது தொடர்பான எந்த விளக்கத்தையும் வெளியிடவில்லை.
ஆதி 2006-இல் சினிமாவில் அறிமுகமானவர். தமிழில் அவர் நடித்த முதல் படம் மிருகம். அந்த படம் மிகவும் பரபரப்பாக பேசப்பட்டது குறிப்பிடத்தக்கது. அதற்கு பிறகு ஈரம், அய்யனார், அரவான் உள்ளிட்ட படங்களில் நடித்தார். அதே நேரத்தில் தெலுங்கு சினிமாவிலும் அவர் கவனம் செலுத்தி வந்தார். தமிழில் 2017ல் அவர் நடித்த மரகத நாணயம் படம் நல்ல வரவேற்பை பெற்று ஹிட் ஆனது குறிப்பிடத்தக்கது. அதற்கு பிறகு அவர் தற்போது தெலுங்கில் இரண்டு படங்கள் மற்றும் தமிழில் ஒரு படம் படம் கைவசம் வைத்திருக்கிறார் ஆதி.
மறுபுறம் நிக்கி கல்ராணி தன் கைவசம் ஒரு சில படங்களை மட்டும் வைத்திருக்கிறார். தற்போது கொரோனா லாக்டவுன் நேரத்தில் அவர் தன்னுடைய வீட்டில் தான் நேரத்தை செலவிட்டு வருகிறார். சமூக வலைத் தளங்களில் அதிகம் ஆக்டிவாக இருக்கும் அவர் தன்னுடைய பழைய புகைப்படங்கள் மற்றும் வீடியோக்கள் உள்ளிட்டவற்றை ரசிகர்களுக்காக வெளியிட்டு வருகிறார். மேலும் தன்னுடைய அழகிய லேட்டஸ்ட் போட்டோ ஷூட் புகைப்படங்களையும் வெளியிட்டு ரசிகர்களை கவர்ந்து வருகிறார் நிக்கி கல்ராணி.
தமிழ் சினிமாவில் நடிகர் நடிகைகள் பற்றி காதல் கிசு கிசு வருவது இது முதல் முறை அல்ல. பல பிரபலங்கள் இதுபோன்ற கிசுகிசுகளில் சிக்கி உள்ளார்கள். அனுஷ்கா - பிரபாஸ் தொடங்கி ஜெய் - அஞ்சலி வரை பல நடிகர்களின் பெயர்களை பட்டியலிடலாம். ஆனால் அவர்கள் யாரும் இது பற்றி வெளிப்படையாக பேசியது இல்லை.
