Editor: 0
முறையற்ற தூக்கம் உங்க உடல்நலம் மற்றும் மனநலம் இரண்டிலும் மோசமான விளைவை ஏற்படுத்தும். எனவே உங்களுக்கு நிம்மதியான தூக்கத்தை தரும் சில உணவுகளை நாங்கள் பரிசளிக்கிறோம்.
ஒட்டுமொத்த ஆரோக்கியத்திற்கும் உடற்தகுதிக்கும் ஒரு நல்ல இரவு தூக்கம் என்பது அவசியம். நீங்கள் நன்றாக தூங்கும் போது உங்க உடல் தன்னைத் தானே புத்துணர்ச்சி அடைய செய்து கொள்கிறது. இது கற்றல் மற்றும் நினைவுகளை ஒருங்கிணைத்து உங்க கழிவுகளை நீக்குகிறது. இதன் மூலம் தசைகள் சரிசெய்யப்படுகின்றன.
தூக்கத்தின் அவசியம்
நாம் தூங்கும் போது உடலுக்குள் இன்னும் நிறைய வேலைகள் நடைபெறுகிறது. சமீபத்திய ஆய்வின் படி நரம்பணுக்களுக்கு இடையிலான தொடர்புகளை மறுசீரமைப்பதில் முக்கிய பங்கு வகிக்கும் மைக்ரோக்லியா எனப்படும் முக்கியமான நோயெதிர்ப்பு செல்கள், தொற்றுநோய்களை எதிர்த்துப் போராடுவது மற்றும் சேதத்தை சரிசெய்வது ஆகிய முக்கியமான வேலைகள் தூங்கும் போது தான் நடைபெறுகிறது. தூக்கத்திற்கும் மூளை ஆரோக்கியத்திற்கும் ஒரு முக்கியமான உறவு இருப்பதாக ஆராய்ச்சியாளர்கள் கூறுகின்றனர். தூக்க கலக்கம் உண்மையில் அல்சைமர், பர்கின்சன் போன்ற நோய்களை ஏற்படுத்தும் என்று கூறப்படுகிறது. இங்கே நன்றாக தூங்குவதற்கு சில உணவுகள் பரிந்துரைக்கப்படுகிறது.
வால்நட்ஸ்
இவை தூக்கத்தை கட்டுப்படுத்தும் ஹார்மோன் மெலடோனின் சிறந்த உணவு ஆதாரமாக விளங்குகிறது. எனவே தூங்குவதற்கு முன்பு வால்நட்ஸ் பருப்புகளை எடுத்துக் கொள்வது உங்களுக்கு நிம்மதியான தூக்கத்தை வழங்கும். இவற்றில் உடலில் டிஹெச்ஏவாக மாற்றப்படும் ஒமேகா -3 கொழுப்பு அமிலமும் உள்ளது. அமிலமும் உள்ளது. டிஹெச்ஏ தூக்கத்தை அதிகரிக்கும் மூளை இரசாயனமான செரோடோனின் உற்பத்தியை அதிகரிக்கிறது.
சால்மன்
இவை கொழுப்பு நிறைந்த மீனாகும். இவற்றில் உள்ள ஒமேகா 3 கொழுப்பு அமிலங்கள், விட்டமின் டி ஆகியவை தூக்கத்தை ஊக்குவிக்கும் மூளை ரசாயனமான செரோடோனின் உற்பத்தியை தூண்ட உதவுகிறது.
கிவி பழங்கள்
கிவி பழங்களில் தூக்க சுழற்சியை சீராக்க உதவும் மூளை இராசயனமான செரோடோனின் நிறைந்துள்ளது. இது விட்டமின் சி மற்றும் கரோட்டினாய்டுகளின் வளமான ஆதாரமாக உள்ளது. இது மீண்டும் நன்றாக தூங்க உதவுகிறது.
பாதாம் பருப்புகள்
இவை தூக்கத்தை கட்டுப்படுத்தும் மெலடோனின் ஹார்மோனின் வளமான ஆதாரம் ஆகும். இது மெக்னீசியத்தை கொண்டுள்ளது. இது தூக்கத்தின் தரத்தை மேம்படுத்த உதவுகிறது.
செர்ரி பழங்கள்
செர்ரி பழங்களில் மெலடோனின், டிரிப்டோபான், பொட்டாசியம் மற்றும் செரோடோனின் ஆகியவை உள்ளன. இவை அனைத்தும் உங்களுக்கு நன்றாக தூங்க உதவுகிறது. மேலும் இதில் பாலிபினால்கள் நிறைந்துள்ளன. இது தூக்க ஒழுங்குமுறையை கட்டுப்படுத்த உதவுகிறது.
